#01 Почетник ⏱ 15 мин

ESP32: Трепкачка LED

Првата програма на секој микроконтролер: пали и гаси LED секоја секунда. Учиш што е дигитален излез, зошто треба отпорник и како изгледа бесконечниот loop().

Отвори го интерактивно во 3D →

Што учиш

pinMode / digitalWrite / delayРазлика анода–катодаЗошто секогаш отпорник со LEDКако breadboard колоните спојуваат компоненти

Потребно

ESP32 DevKit V1 — микроконтролер со WiFi и Bluetooth
Breadboard (протоплоча) — поврзување без лемење
Jumper жици — M–M, M–F, F–F
LED диода — светлечка диода 5 mm
Отпорник — 220 Ω, 1 kΩ, 10 kΩ…

Како работи

Струјата тече во круг: GPIO 2 → LED → отпорник → GND. Кога програмата напише digitalWrite(2, HIGH), пинот се поврзува внатрешно на 3.3 V и струјата потекнува — LED-та свети. Со LOW пинот оди на 0 V, нема разлика во напон, нема струја — LED-та гасне.

Функцијата setup() се извршува еднаш (кажуваме дека пинот е излез), а loop() се повторува бесконечно. delay(1000) го „замрзнува“ процесорот 1000 ms — едноставно, но подоцна ќе учиме подобар начин со millis().

Поврзување

Од	До	Зошто
ESP32 · D2 (GPIO 2)	LED анода (+), колона 20	Пинот дава 3.3 V (HIGH) или 0 V (LOW). Долгата нога на LED-та е во колона 20, па сè во таа колона (а–е) е споено со пинот.
LED катода (−)	колона 21	Струјата излегува од LED-та низ кратката нога и оди во колона 21.
колона 21	Отпорник 220 Ω → − шина	Отпорникот ја ограничува струјата на (3.3 − 2)/220 ≈ 6 mA. Без него LED-та и пинот страдаат.
ESP32 · GND	− шина на breadboard	Ја затвора јамката: струјата се враќа во ESP32. Без GND ништо не работи.

Чекор по чекор

Стави ја LED-та во колони 20 (долга нога, анода) и 21 (кратка нога, катода), ред c.
Отпорникот 220 Ω: една нога во 21a, другата во − шината над неа.
Жица од D2 на ESP32 до дупчето 20a.
Жица од GND на ESP32 до − шината.
Поврзи USB, избери плочка „DOIT ESP32 DEVKIT V1“ и порт во Arduino IDE, качи го кодот.
LED-та трепка секоја секунда. Смени ги вредностите на delay() и види што се случува.

Код (Arduino IDE)

// Проект 1: Трепкачка LED
const int LED_PIN = 2;   // D2 — исто така и вградената сина LED

void setup() {
  pinMode(LED_PIN, OUTPUT);   // пинот ќе ДАВА напон (излез)
}

void loop() {
  digitalWrite(LED_PIN, HIGH); // 3.3 V → LED свети
  delay(1000);                 // чекај 1000 ms
  digitalWrite(LED_PIN, LOW);  // 0 V → LED гасне
  delay(1000);
}

Типични проблеми

LED-та не свети? Сврти ја — обратен поларитет е најчеста грешка.

Качувањето стои на „Connecting…“? Држи го копчето BOOT додека не почне.

Вградената сина LED трепка исто — тоа е затоа што и таа е на GPIO 2.

Отвори го интерактивно во 3D →

Повеќе проекти (уште 7) со бесплатна најава во курсот. Проекти →